港聞

【Emily online】蘇偉文以小時住石硤尾徙置區經歷 籲市民撐政府覓地建公屋 (21:37)

房屋議題一直係社會最關注嘅議題。今年成立32周年嘅公屋聯會,今晚喺沙田石門舉行聯歡晚宴暨最新一屆就職典禮,邀請咗署理運房局長蘇偉文出席。

其他報道:批有港人反「支付寶」 李華明:只要是國內的都反,難道窮得只有「八達通」?

蘇偉文致辭分享話,佢細個時候住喺石硤尾舊式徙置區,生活環境困苦,當時廁所仲要設喺屋企出面,阿媽、細妹等屋企女士要用廁所沖涼時,都要由阿爸等男士看守門口,先至安心。

後來因為石硤尾徙置區大火,政府開始大規模興建公屋,佢哋亦都因此受惠搬入公屋,生活先至有所改善。

蘇偉文以過來人身份話,自己經歷過艱苦年代,明白好多基層市民等緊上公屋嘅心情,呼籲大家支持政府覓地建屋咁話。

公屋聯會現屆主席文裕明就即場同蘇偉文上演問答環節,話希望政府盡快恢復3年上樓目標,同埋實施租金管制同租金津貼。蘇偉文承認自己都好心急,仲套用股票術語話,政府需要喺房屋供應上「追落後」。之後文裕明一班公屋聯會成員,仲同蘇偉文同柯創盛、麥美娟、陳恆鑌3位立法會議員,一齊唱獅子山下娛賓添。

其他報道:【修改議規】楊岳橋提出中止待續:民主派伸橄欖枝 一齊收回議案給港人最佳聖誕禮物

其他報道:全球暖化抵消拉尼娜效應 天文台料這個冬天不太冷

相關字詞﹕蘇偉文 公屋聯會 石硤尾 公屋

上 / 下一篇新聞