港聞

【Emily Online】化身Chef Lemon狂擠朱古力醬 大嘥鬼拉花:不要玩食物 (18:40)

近年鑽研煮食嘅藝人謝霆鋒,上星期喺澳門示範以「摩打手」擠朱古力醬「拉花」,吸引唔少網民模仿,連香港環保署宣傳珍惜食物嘅吉祥物「大嘥鬼」,今日都忍唔住抽水,今日喺facebook貼出佢化身「Chef Lemon」拉出嘅傑作:「不要玩食物」,提醒大家學還學,都唔好「為咗學到絕世秘技而浪費食物」。

其他報道:涉遊行後沒按警指示離開被控 澳門議員蘇嘉豪遭中止職務

變身「Chef Lemon」嘅大嘥鬼喺佢個fb post落晒hashtag,話「#有網友話見到拉花中帶出少少芭蕾舞」、「#在場的人震驚了」,但就提醒大家,佢成功拉到花、吸引到咁多人注意,係「面對過無數失敗先可以去到今日嘅成就」,所以叫其他人唔好「人做你又做,為咗學到絕世秘技而浪費食物」,仲學足佢嘅模仿對象霆鋒咁寫咗句:「如果咁都唔明,我就無計了。」

大嘥鬼個post其實仲用咗其他hashtag,例如係「#酒精直接倒在傷口上」、「#給自己縫針不喊不哭」,有網民就話佢抽水抽到「抽乾太平洋」。唔知係咪因為政府fb專頁畀人嘅印象一向都比較刻板,有網民就喺大嘥鬼fb留言話以為自己睇梗其他傳媒嘅post,原本最鍾意浪費食物、而家就反過來呼籲人惜食嘅「阿鬼」唯有回應佢一句:「歡迎嚟到大嘥鬼(已從良)的天地」。

其他報道:【保暖啊!】天文台再調低預測 明日跌至17度 周六連續三天15度

其他報道:【Emily Online】偶遇兩司機停車喊支持 劉夢熊感動 轉軚報名選人代

相關字詞﹕環保署 大嘥鬼 惜食 浪費 珍惜食物 謝霆鋒 編輯推介

上 / 下一篇新聞