港聞

【Emily Online】傳獲林鄭邀做政務司長 張雲正離開官場因另一個女人? (16:46)

剛剛喺10月結婚嘅公務員事務局前局長張雲正,原來係港島名校聖類斯中學校友。適逢母校90周年校慶,佢之前返咗學校接受訪問,大談自己讀書時嘅經歷,仲話自己離開官場嘅原因,係要照顧95歲嘅媽媽,形容呢個決定係「明智、理性、反映內心所想」。

其他報道:【補選兩會撞期】民建聯批「不合國情」 指港是中國轄下行政區

1978年畢業嘅張雲正,細細個住喺香港仔,小三插班讀聖類斯,一路讀到中五。佢話佢最難忘係佢爸爸喺佢14歲時癌症過身,當時由學校神父捉住佢對手通知佢呢個消息,神父對佢嘅關懷,佢到依家仲記得。佢又透露自己細個好鍾意打機,成日流連黃金商場,連之後到英國讀大學都係揀讀電腦,諗住畢業可以寫電腦遊戲。

今屆政府埋班時,曾經有傳特首林鄭月娥搵過張雲正做政務司長,但最終唔成事。張雲正解釋,佢選擇離開官場,係要照顧年老嘅媽媽,因為好難得媽媽95歲都仲好健康:「我問自己,未來5年,究竟係我媽媽嘅5年珍貴啲,定我自己5年珍貴啲?」

佢又話,退休之後要陪媽媽去旅行,搵工人照顧佢,同埋盡快成家立室,因為媽媽怕佢老咗無人照顧佢咁話。

Emily睇完個訪問,覺得張雲正都算好孝順。

其他報道:談李旺陽、劉曉波事件 曾鈺成:更惡劣的事都有 指國家認同非靠罰

其他報道:【周日人物】公開曾被性侵 我受得了壓力 家人可以嗎?

相關字詞﹕編輯推介 張雲正 林鄭月娥

上 / 下一篇新聞