港聞

下一篇
上一篇

【Emily Online】文化中心外有得焗桑拿? 原來係非牟利機構展覽 (16:48)

新世界集團行副主席兼總經理鄭志剛,今年成立咗非牟利機構「Culture For Tomorrow(CFT)」,希望幫本地年輕設計師同建築師,將平日無法實現嘅新奇構想變成真,兼帶入社區。頭炮活動「沐熱乘涼Hot is Cool」展覽,12月8至13號喺尖沙嘴文化中心露天廣場舉行,市民仲可以預約到時同朋友一齊體驗桑拿㗎!

其他報道:沙灘清潔活動多親子 區議員倡禁性感男女入沙灘免影響兒童

今年係芬蘭立國100周年紀念,「沐熱乘涼Hot is Cool」展覽將芬蘭流行嘅桑拿,同香港郊區常見嘅涼亭crossover,仲搵咗年輕得獎建築師──著名芬蘭建築師維爾‧哈拉(Ville Hara)同本港建築師蕭國健設計,揉合以創新設計聞名嘅芬蘭建築同埋本地傳統建築,建構出「一熱一涼」對碰嘅建築物。

展覽將於12月8至13號,朝早10點至晚上7點喺尖沙嘴文化中心露天廣場舉行,免費入場。公眾聽日(24號)開始仲可以去CFT網站預約,同朋友一齊體驗桑拿,名額有限,先到先得。CFT同時仲會喺會場舉辦閱讀音樂會、文化講座同紙鳥互動創作體驗等系列活動。展覽獲芬蘭駐香港總領事館、芬蘭國家旅遊局等贊助,仲獲芬蘭首相府認可為「Finland 100」芬蘭立國100周年慶祝活動之一。

除此之外,CFT仲同香港知專設計學院(HKDI)合作,舉辦建築設計比賽,由建築設計及園境建築高級文憑課程學生及畢業生,重新改寫涼亭用途。兩名得獎者獲贊助到芬蘭交流考察,得獎作品並會同期展出。

其他報道:途人發現伊利沙伯體育館倒掛國旗 職員急忙糾正

其他報道:每7小學生1人有抑鬱 施永青嘆「一蟹不如一蟹」 指有精神問題因「幻想」非壓力

相關字詞﹕文化中心 新世界 鄭志剛 展覽 涼亭 桑拿 芬蘭 編輯推介

上 / 下一篇新聞