港聞

下一篇
上一篇

【Emily Online】競委會邀鄭子誠拍宣傳片 從豆腐火腩飯看壟斷瓜分市場 (14:00)

競爭事務委員會成立近兩年,今展開新一輪宣傳活動,搵嚟「陰謀情人」鄭子誠拍咗兩集宣傳片,名為「舌尖上的陰謀」,利用網絡潮文講嘅男人嘅浪漫、豆腐火腩飯做引子,介紹瓜分市場嘅行為。宣傳短片下周三(29日)起會喺YouTube,競委會網頁同鄭子誠嘅Facebook專頁上有得睇。

其他報道:【審計報告】揭整筆撥款儲備共47億元 有社福機構以撥款補貼自負盈虧活動

宣傳短片分兩集,鄭子誠喺首集會去大牌檔食豆腐火腩飯,透過大牌擋老闆拎唔到靚火腩嘅故事,去講一啲火腩供應商瓜分市場嘅行為;第二集就講鄭子誠因為大牌擋老闆同其他附近餐廳老闆協議,只係提供指定菜式,搞到佢食唔到火腩飯,要轉食「懶肉豆卜米線(腩肉豆卜米線)」。

競委會高級行政總監畢仲明話,宣傳片畀大家睇到,不論大公司定小商戶,都有可能參與瓜分市場行為、違反競爭法。競委會第二宗入稟審裁處嘅案件,有關10間建築公司喺安達邨涉「分餅仔」嘅行為正係瓜分市場嘅典型例子,而競委會未來將會嚴打呢類型行為。

畢仲明話,第二宗案件帶上法庭時,競委會收到有關涉及瓜分市場嘅行為投訴有微升。截至上月底,競委會一共收到2500宗投訴同查詢,其中60%同「第一行為守則」有關,即包括瓜分市場在內嘅合謀行為,涉及瓜分市場嘅投訴中,最多嘅3個行業分別係地產及物業管理、機器與設備,以及電訊業。畢仲明又話,有160宗投訴可以進一步跟進,其中逾16宗可深入調查。

為咗鼓勵參與反競爭行為嘅公司舉報佢哋嘅行為,競委會提出寬待政策,畀首個舉報自身同其他公司合謀行為嘅公司獲寬待,豁免佢哋嘅罰款。畢仲明話,所有過程都會保密,唔會對外公布。

其他報道:【審計報告】海事處買船慢 41%船「夠鐘」但無法退役

其他報道:【審計報告】政府租辦公室租金較平均高 貴四成照租

其他報道:不單幫學生加油 教師寫字條鼓勵家長:讓我們為你打打氣

 

相關字詞﹕競爭事務委員會 競委會 鄭子誠 編輯推介

上 / 下一篇新聞