港聞

下一篇
上一篇

談性別承認 何君堯:不能扭曲中國5000年文化價值觀 批猙獰咄咄逼人 (08:24)

性別承認跨部門工作小組發表就《性別承認》諮詢公眾,包括應否在香港設立性別承認制度等,諮詢期至12月31日。反對同性婚姻的立法會議員何君堯表示,「成個中國傳統文化5000年嚟取向,同情得嚟不能扭曲自己價值觀」。

其他報道:教局稱港獨議題只能教「不可能」 教師反問:共產黨違民國憲法是否不可教

何君堯昨晚於facebook直播時指出,英國採納性別承認制度,之後講到同性婚姻合法化,稱「平權問題喺英國同歐洲已出現好多矛盾。究竟兩歲小孩認為自己係男定女,自己可以作出選擇,鬼咩,如果你咁樣搞搞,就天下大亂啦。明明係女仔,就當自己係男仔,所以就係男仔……男仔嚟講,畀佢著女裙,成何體統呢?產生好大矛盾」。

何君堯續說,「當佢無知或者係真係有佢自己嘅……將來唔可以話係『缺憾』,如果你話係缺憾,係叫歧視佢,如果佢有咁嘅取向,你一定要尊重佢」,但「若有啲真係魚目混珠、扮嘢,其實呢條友係色魔,但話呢刻覺得自己似女性,扮娘娘腔覺得自己係女人,就行去女廁,搞到雞犬不寧,會引起好大社會迴響」。

至於歐美爭取LGBT(女同性戀、男同性戀、雙性戀、跨性別)平權,何君堯指早期是無可厚非,但對方不單得到承認,而且說他們不喜歡的說話,會變成歧視、刑事,「咁你將個世界扭轉咗喇,由傳統觀念裏面,呢種叫正常人,嗰種係唔正常嘅人,咁佢已經爭取到,嗰啲唔係唔正常,佢都係正常,你千祈唔好話正常唔正常」,又說「本來覺得係弱勢社群,到而家變到猙獰面目嚟爭取社會認同,嗰種係咄咄逼人」。

何君堯呼籲社會人士,勇於就今次性別承認諮詢發表意見。

其他報道:團體示威反同性婚姻 批諮詢文件無中文翻譯欠公理、問題太專業

其他報道:反同性婚姻 何君堯:中國人有5000年文化道德

相關字詞﹕編輯推介 何君堯 同志平權 性別承認

上 / 下一篇新聞