港聞

【Emily Online】「同舟共濟」為阿彪造勢?疑似人大代表參選人齊撐場 (22:38)

立法會補選將於下年3月舉行,有意參選人已頻頻亮相爭取曝光,新界各界「同舟共濟行動日」啟動禮今日喺大埔一個公園舉行,活動發言人係盛傳出選新界東補選嘅工聯會鄧家彪,出席嘅可以話係星光煜煜,一齊呼籲香港人團結,建設更美好香港。阿彪活動尾聲更帶領在場人士一齊唱《獅子山下》,睇活動陣勢同排場,Emily仲以為係選舉嘅造勢大會。

啟動禮邀得大批政界人士出席,除咗新界各界執行主席張學明讀出行動日「宣言」外,前保安局長黎棟國、有意參選下月舉行嘅人大代表選舉嘅政制及內地事務局前局長譚志源亦有致辭。

而人大代表廖長江、吳秋北、蔡毅、馬豪輝、陳勇,有意參選人大選舉嘅藝人鄺美雲、中華出入口商會榮譽會長林龍安等都有齊齊參與,企足成個鐘,似乎人大選戰,同樣未開始報名已開鑼,大家都爭取更多機會接觸人大選舉嘅選民。多名建制派議員如陳克勤、葛珮帆、容海恩、周浩鼎、劉國勳、麥美娟等都有出席。

大會話,呢個活動得到社會各界的響應,新界九個區超過120個地點亦同時展開宣傳活動,呼籲市民支持同齊心推動,以唔同方式表達「同舟共濟」精神。

其他報道:政府擬改停車場建屋 中重型貨車司機請願叫苦

其他報道:團體遊行至禮賓府爭全民退保 批林鄭羅致光張建宗如大山阻礙推行

其他報道:【Emily Online】雲海中風入院感嘆「人生無常」 網民紛紛祝福

相關字詞﹕鄧家彪 補選 編輯推介

上 / 下一篇新聞