港聞

【Emily Online】急救單車隊 9個月助逾2100人 (21:21)

涼風撲面,最啱約埋一班朋友去踩單車。但萬一唔小心翻車,傷勢又未嚴重到要叫救護車,可以先搵着住反光衣、戴住頭盔嘅急救單車隊幫手。今年頭9個月,急救單車隊處理超過2100名傷者,當中有約70人需送院,幫手紓緩咗急救服務嘅壓力。

急救單車隊成立咗15年,成員本身都係醫療輔助隊人員,要經過遴選考試先可以入隊。佢哋每逢星期六下午、星期日同埋公眾假期當值,兩人一組沿單車徑巡邏。

除咗消毒藥水同繃帶外,佢哋仲有松節油幫抽筋市民放鬆肌肉,最特別係有部好細嘅自動體外心臟去顫器,為突發心肌梗塞傷者急救。

唔好以為急救隊成員踩住單車好輕鬆,女隊員呂施樂話,單係急救袋已經重10公斤,平日會調高單車波段,令自己踩得吃力啲,訓練一下大腿肌,巡邏時就應付自如。

急救單車隊喺沙田、馬鞍山、大學站、白石角、大埔、上水設有急救站,嚟緊仲計劃喺屯門再開一個,有需要市民可以打2762 2055搵佢哋。 

其他報道:團體遊行至禮賓府爭全民退保 批林鄭羅致光張建宗如大山阻礙推行

其他報道:【Emily Online】雲海中風入院感嘆「人生無常」 網民紛紛祝福

其他報道:天水圍慶回歸晚宴後遺垃圾 惹居民不滿 區議員:情況不理想

相關字詞﹕急救 單車隊

上 / 下一篇新聞