迪士尼樂園新階段擴建計劃明年5月將有新展施落成，屆時將增設「魔海奇緣凱旋慶典」表演節目。「魔海奇緣凱旋慶典」表演將設喺迪士尼探險世界入面，由電影《魔海奇緣》慕安娜擔任主角。迪士尼會趁機推出優惠，3人行買奇妙處處通會獲得八五折優惠。
其他報道：4河渠活化 屯門河或可划艇 料2019年立項 佐敦谷明渠先行
另外，迪士尼上星期搞抽獎，5萬人有機會抽到門票。園方話截至昨日，有超過90萬人登記，反應好好，又透露門票會平均攤分喺每個月份，但就唔包括2月同12月，因為到時有農曆新年同聖誕節，會比較多人。
園方又表示，網站因應抽獎，都做過好多次測試，每秒容許140人登記，意味一個鐘可容納50萬人，所以就算上次咁多人湧入網站，都無令網站停止運作。
今日有報道話，迪士尼煙花匯演效果「縮水」。園方回應話，煙花因應每日天氣同設計有所不同。另有指煙花匯演會喺明年1月暫停，Emily問咗園方幾次，對方都只係話暫時未有定案，唔肯講幾時停同停幾耐。