港聞

【Emily Online】國泰航班延誤需滯留以色列兩日 劉慧卿:好嬲 (23:17)

民主黨前主席劉慧卿(卿姐)早前隨一個代表團出訪以色列考察當地教育情況,原定當地時間今日中午搭國泰航班返香港,但最終要延誤兩日。卿姐同Emily講,話旅客今日準備登機時,國泰人員先告知航班遇到技術故障,要延遲一個鐘起飛,卿姐大半個鐘後向國泰人員詢問航班情況,更得知航班其實要取消,最快都要搭兩日後嘅航班,卿姐就直言「好嬲」。

卿姐話,由國泰人員宣布要延遲起飛,到最後取消航班要搞手續攞行李,前後花咗三個鐘,但國泰「完全無畀野食,淨係畀枝水,(由我哋)企喺度」,佢好不滿安排,而國泰亦無幫佢搵其他航空公司嘅航班。

卿姐又話,國泰最後賠償兩晚酒店住宿費畀旅客,但自己未知多咗呢兩日有咩做。佢話代表團日前已返港,由於自己未去過以色列,本身諗住留多幾日去到今日先離開,結果「搞出個大頭佛」。

其他報道:【Emily Online】何君堯斥赴英舉報梁振英「搞搞震」 林卓廷:梁振英我都不怕,何君堯我會驚你?

相關字詞﹕劉慧卿 以色列 國泰

上 / 下一篇新聞