港聞

下一篇
上一篇

【Emily Online】何君堯斥赴英舉報梁振英「搞搞震」 林卓廷:梁振英我都不怕,何君堯我會驚你? (23:08)

民主黨立法會議員林卓廷上星期去咗英國,向當地國家犯罪調查局國際貪污調查組(International Corruption Unit,簡稱ICU)主管會面,舉報前特首梁振英喺收取UGL 5000萬元一事上,涉嫌貪污同未有交稅。建制派議員何君堯就批評林做法「搞搞震」,更揚言「遲啲先慢慢炮製佢(林)。」林卓廷隔空反問何:「點炮製我,係殺無赦,殺殺殺,定點呢?」

其他報道:【附捐款途徑】墮升降機槽技工遺病母病妻 14歲子:父常勉勤讀書做好人

林卓廷和何君堯好快就會喺英國碰面,因為佢兩個都代表香港立法會,去英國國會訪問。林就提早去到英國,跟進梁振英收取UGL 5000萬元一事。何君堯就質疑點解林唔去美國華盛頓、德國法蘭克福或者澳洲投訴,認為林去英國投訴梁振英係「搞搞震」。

林卓廷就喺社交媒體隔空回應何君堯,話何作為香港執業律師,應該明白喺處理刑事案件時,要先睇有關案件嘅司法管豁權,指UGL案件涉及香港、英國和澳洲的公司。林話,今次去英國舉報梁振英,係因利乘便。

林卓廷亦反問何君堯「炮製」係咩意思,認為何作為律師「講話要斯文點」,唔好動輒就講「殺無赦」,或者「炮製人」,更表明「梁振英我都不怕,何君堯我會驚你?」

其他報道:政府倡西環碼頭變園圃 居民反對促保「原汁原味」空間

其他報道:【附名單連結】下周日長者日 1200商戶有優惠

相關字詞﹕民主黨 立法會 林卓廷 英國 國家犯罪調查局國際貪污調查組 梁振英 何君堯 編輯推介

上 / 下一篇新聞