港聞

下一篇
上一篇

【Emily online】工聯會愛心拍攝出動 女兒戴亡父手錶與媽媽合照彌補遺憾  (22:23)

工聯會立法會議員陸頌雄(Michael)本身一個「龍友」(攝影愛好者),做咗議員之後雖然冇咁多時間周圍去捕捉光影,但就不時親自操刀,揸機為街坊影證件相。工聯會另一位議員麥美娟(Alice)最近就誠邀Michael出動心愛嘅攝影器材,幫一班青衣街坊影家庭照同婚紗相。記錄影像之餘,一張張照片仲承載住好多愛同回憶。

其他報道:【多圖】逾12個半鐘游泳繞港島一圈籌百萬 英籍泳手笑言:最想先去飲啤酒

Alice喺facebook度分享街坊嘅故事。佢話,「影相當日有孝順女戴着亡父留低嘅手錶與媽媽合照,希望彌補沒有機會影全家幅嘅遺憾;亦有因病坐輪椅嘅女兒陪伴患上認知障礙症嘅媽媽合照,希望在當媽媽忘記自己嘅時候,能睇到照片記得佢;有一對年老夫婦也因為年青時為生活奔波,忙於照顧兒女,從未有機會正式影過一輯婚紗照,丈夫希望能與結婚半世紀嘅老伴留下相愛印記。」

Alice話籌備呢次活動,同事要做好多準備功夫,但大家話幾辛苦都值得,因為睇到拍照嘅人溫馨、滿足嘅笑容,嗰份感動令佢哋更有動力去做有意義嘅事,又希望街坊日後翻睇相片,可以帶畀佢哋最美好嘅回憶。

Michael喺fb度話,「沒有放棄做一個攝影家的夢想」、「一張相一個故事」,仲引用歌詞,希望用攝影「捉緊生命濃度」、「停下時光 靜止衰老」。

其他報道:稱立會通過致謝議案非轉捩點 林鄭:相信行政立法關係會緊張返

其他報道:墮升降機槽重創 地盤技工截肢停打強心針

其他報道:【多圖】環港島不停站游泳 英籍泳手與兩港隊泳將游抵終點

相關字詞﹕編輯推介 麥美娟 陸頌雄 影相

上 / 下一篇新聞