港聞

下一篇
上一篇

【Emily online】梁錦松中六得5呎3吋高 冇份party、追唔到「男校女生」唯有老實讀書 (21:33)

傳統男校英華書院今日舉行200周年校慶啟動禮,200年來該校培養不少人才,而前財政司長梁錦松就係其中一位。返到母校,梁錦松就勾起自己青蔥歲月嘅回憶,唔講唔知現時身高5呎9吋嘅梁錦松,17歲嗰陣只得5呎3吋,即係160厘米咋!依家佢同前國家跳水代表伏明霞組織咗美滿家庭,但原來中六嘅佢就因為太細粒,即使學校出現「男校女生」,身邊男同學個個去追女仔、拍拖,但自己就連party都冇份去,要坐埋一邊食檸檬。

其他報道:【聖保羅男女簡介會】面試圍繞中英數理 校長:無論IQ多高,囂張傲慢未必取錄

阿松話,英華書院收女生讀預科,當年中六搞到班男同學見到「男校女生,有啲不同的品種入來」,就開始追女仔和談戀愛,而佢自己不論係年紀和身高,都係當時班中最細一位,17歲得5呎3吋,屋企又冇錢,唯有老老實實咁讀書。經過那兩年嘅苦讀,結果以優異成績入讀香港大學。

除咗因為冇追女仔可以專心讀書外,阿松仲特別感謝當時嘅校長艾禮士,話呢位校長當年見佢家境清貧,又有8個兄弟姊妹,畀佢每日吃完晚飯後,返學校班房溫書,再喺飯堂嘅空置廚房睡帆布床留宿。

其他報道:【多圖】環港島不停站游泳 英籍泳手與兩港隊泳將游抵終點

其他報道:林卓廷稱與英外交官會面一小時 對方關注DQ議員及青年領袖被檢控

其他報道:團體穿「垃圾球」到店舖示威 控訴促銷引市民衝動網購致浪費

 

相關字詞﹕編輯推介 梁錦松 英華

上 / 下一篇新聞