港聞

下一篇
上一篇

【Emily Online】睇晒習近平3萬字報告「好辛苦」 范太教路上百度睇撮要 (11:57)

中共總書記習近平早前喺「中共十九大」發表嘅報告有3萬多字,花了3個多小時先讀完。全國人大常委范徐麗泰今朝喺商台節目話,報告篇幅好長,如果要睇晒3萬幾字實在太辛苦,建議香港人去「百度」搜尋一啲報告撮要,話得閒睇幾句,會有助港人去內地做生意打好人際關係架。

其他報道:批泛民藉公眾諮詢拖延國歌法 范徐麗泰:想阻住地球轉

范太話雖然香港奉行資本主義,但市民都應該了解吓國家嘅社會主義,認為有利港人北上發展,建立人際關係。但係習主席份報告有成3萬幾字,范太就話「好坦白講,即使睇晒3萬幾字,都唔記得嘅」。

范太教路,市民可以上百度搵一啲提綱挈領嘅報道,下載落嚟得閒望下,「如果上內地做生意,識得講幾句呢啲,對你喺內地嘅聯繫會好好多」。范太又提醒市民千祈唔好睇晒嗰30幾張紙、3萬幾字,「真係好辛苦嘅」。

其他報道:黃國健:禁拉布為「求生」 陳志全:建制逼太緊

其他報道:菲突停辦工作證3周 羅致光稱事前未收通知 指本港千戶受影響

其他報道:環港島不停站游泳 英籍泳手預計傍晚完成創舉 盼籌百萬善款

相關字詞﹕中共十九大 習近平 范徐麗泰 編輯推介

上 / 下一篇新聞