港聞

【噓國歌風波】前港足隊長:球迷應以球隊利益為先 指「聰明少少好啲」 (13:10)

球迷噓國歌事件近日引起關注。前港足隊長陳偉豪指,球迷應以球隊利益為先,又認為「聰明少少好啲」。

其他報道:【UGL事件】梁振英拒出席聆訊交文件 謝偉俊:若光明正大,應配合調查

陳偉豪早上接受商台節目訪問時,被問到噓國歌問題。他表示,球迷做出的行為可能影響球賽或港隊日後部署,「可以嘅話停一停先。香港球迷,香港人,應以球隊利益行先為重要」。

他又說,這些行為都會影響球員比賽,「奏國歌係比賽前,畀客隊覺得我哋唔係太團結,主場威力可能(無咁強)」,強調「主場威力」好重要,若「閉門作賽」,就與作客無分別。

至於亞洲盃外圍賽,港足下周二將主場對黎巴嫩,陳偉豪指,港隊有機會出線,若成功拿取三分,形勢便更樂觀,惟若「再在事件上有咩(發生),可能真係影響下一場賽事,對香港隊當然有影響」。他表示,香港隊球員都想與球迷見證贏波一刻。

問到有球迷支持港隊但不支持國歌,陳偉豪說,無人阻止不支持國歌,但毋須作出行為影響球賽,「我唔跟住唱國歌,唔代表我支持或不支持。如果有些行為表達到出嚟,話畀人知你係好唔鍾意嗰件事情,唔係咁好,因為嗰個場合唔應該做呢樣嘢」。

他重申,「唔噓(國歌)唔代表好支持,聰明少少好啲嘅」。

其他報道:【UGL事件】梁振英不配合影響同類委員會調查? 謝偉俊指呈請書方式屬走後門 效果差不能怪人

其他報道:土地小組副主席:無委員反對填海 市民反對因怕遮海景 學者憂缺長遠規劃

其他報道:曾鈺成:只有中央政府才能動搖一國兩制方針 主管港澳官員「說多了」令人憂慮

相關字詞﹕編輯推介 國歌 噓國歌 陳偉豪 港足 香港隊 香港

上 / 下一篇新聞