港聞

【Emily Online】立會3議員變「劏房3兄弟」 跟居民同住共享房屋1天 (00:04)

社區組織協會早前推出「共享房屋」計劃,同業主合作以低廉租金租出劏房,為公屋輪候戶改善住屋問題。實政圓桌田北辰、公民黨譚文豪同民主黨鄺俊宇3名立法會議員,星期二(7日)應協會邀請,親身去旺角一個共享房屋單位,同單位居民試住一日。幾年前喺電視節目試住環境惡劣劏房嘅田北辰,就向Emily大讚今次單位環境好好多,例如光線都充足好多。

其他報道:林鄭月娥現身中策組招聘會 稱若加入後工作沒趣「可以找我算帳」

3名議員除咗住,亦要解決食嘅問題,田北辰話,譚文豪同鄺俊宇負責煮飯,自己負責洗碗,瞓覺時佢同鄺俊宇瞓同一張碌架床,由於鄺俊宇後生啲,所以對方瞓上格,自己瞓下格。

至於譚文豪亦喺facebook貼出自己嘅煮飯相,佢形容單位環境「ok」,「但係要問嘅係香港政府發生咩事,要靠社福機構去填補呢一格?」譚文豪話,港英政府將香港市民同佢自己由木屋帶上公屋,但回歸20年「竟然掉返轉頭」,反問「運房局有無好好反省?」

其他報道:觀塘市中心重建  切走兩頭「鵝蛋形」地標式大樓新設計曝光

其他報道:跪地舉「SORRY SIR」牌投訴超時補水安排 男警「蕃薯」早遭禁佩槍

相關字詞﹕編輯推介 共享房屋 譚文豪 鄺俊宇 田北辰

上 / 下一篇新聞