港聞

【Emily Online】科大榮休教授讚內地「叫雞」可用手機付款:我無冒犯女性 (20:22)

香港科技大學經濟系前系主任及榮休教授雷鼎鳴今日出席一個有關「國家與香港」嘅研討會時,提到內地經濟、科技進步,生活仲方便過香港,話自己有朋友「叫雞都可以拎部手機出嚟照(付款)」,言論引起在場人士側目。

雷鼎鳴接受本報查詢時,直認不諱「叫雞」係講緊召妓,唔覺得用字有咩問題,以佢理解呢個字眼唔係形容性工作者做「雞」,而係用普通話講「召妓」和「叫雞」發音相似。對於有女性聽到呢個字眼感到被冒犯,雷鼎鳴就話「問題係佢哋身上,好多人over interpret,好玻璃心」。

雷鼎鳴強調自己唔係唔尊重女性,而「叫雞」大家都明白係「召妓」嘅意思,講「召妓」反而更講唔出口、尷尬。佢又話在經濟學上,一個社會有性工作者是客觀現象,冇任何貶意。佢又話,之前有學者文章提到,用咩字眼應該有自由,除非係惡意攻擊人啦。

雷鼎鳴話,「叫雞」嘅唔係自己,而係朋友,但可能朋友都係「講笑咁講,打個比喻」。

其他報道:議事規則委員會再開閉門會議 未見泛民「突襲」

其他報道:梁振英重提畢業禮奏國歌有學生舉傘 質疑無人處理學生和校長

其他報道:【朱經緯案】事主認曾發「轉戰旺角」言論 惟否認屬佔領運動激進份子

相關字詞﹕召妓 雷鼎鳴 編輯推介

上 / 下一篇新聞