港聞

下一篇
上一篇

【短片:Emily Online】財務公司「易借易還」好吸引? 消委會拍片話你知借貸惡果 (15:54)

不少財務公司、財務中介都以「易借易還」嘅口號吸引人借錢。消委會最近就拍咗幾條宣傳片,希望大家唔好過度消費,甚至為咗買心頭好而去借錢,消委會總幹事黃鳳嫺都會粉墨登場,教大家應付財務中介嘅來電。

其他報道:理大調查:七成中學生不信內地政府 協理副校長指港生認知不足 「應多去看看」

黃鳳嫺話,近年不少借貸宣傳,專攻年輕消費者,叫佢哋及時行樂,現時借貸手續愈來愈方便,令過度消費和借貸有年輕化趨勢。據投資者教育中心2017年香港年輕一代個人財務問題研究,31%受訪者喺過去一年有負債,平均欠款額達3.7萬。

消委會今年頭9個月就收到一共41宗有關財務借貸嘅投訴,23宗投訴同價格爭拗有關。黃鳳嫺話,有投訴人希望借25萬做債務重組,但要畀18萬財務中介做手續費,另又有投訴人想借13萬做債務重組,但都要畀7萬手續費,最終欠款20萬。

黃鳳嫺提醒,年輕人唔好畀一啲宣傳吸引,以為錢咁容易借,亦都唔好過度消費,因為現時網購盛行,好容易唔覺意買多咗,所以要睇住自己購買能力。

消委會今日就喺《選擇》月刊嘅facebook專頁上,上載咗第一條宣傳片,叫大家小心借貸惡果,今個月陸續都會再上載。消委會策劃及商營手法事務部首席主任熊天佑話,今次喺消委會首個宣傳計劃單用網上社交媒體宣傳,希望可以吸引多啲年輕人留意。

其他報道:「上海仔」獲准保釋候查 12月上旬報到

其他報道:涉款逾億 警應律政司建議再蒐證 黑錢舊案 上海仔隔5年再被捕

相關字詞﹕消委會 借貸 貸款 過度消費 財務公司 財務中介 消費 編輯推介 選擇

上 / 下一篇新聞