港聞

下一篇
上一篇

【短片:Emily online.林鄭管治新風格】政府頻頻請議員記者食嘢 想用燒肉打人牙骹軟? (16:51)

立法會復會後,修改議事規則、政府一地兩檢議案等事,搞到建制和泛民兩陣營議員關係緊張,行政立法關係都唔多和諧。呢幾個禮拜立法會大會都喺拉布同點人數中渡過,政府就頻頻出動美食慰勞議員同記者,今日喺大會進行期間請大家食燒肉。

話說呢幾個星期大會,班建制派議員喺會議期間都唔敢行咁遠,大部分人都只係穿梭會議廳和會議廳前廳,出出入入時政助們都會同佢哋講聲辛苦。

特區政府為慰勞大家,前個禮拜就由特首辦率先請議員同記者食蛋撻。到立法會上個星期開始傾一地兩檢議案,運輸及房屋局局長陳帆就接力請大家食牛奶撻同西餅,仲由副局長、經濟學者蘇偉文幫手派,不過被問到有冇請埋泛民議員食,蘇就不置可否。今個禮拜輪到律政司司長袁國強出手,請大家食燒肉。

個別建制派議員同Emily呻,咁樣開會好辛苦,工聯會麥美娟今日46歲牛一,佢話生日願望係通過到一地兩檢議案,唔使再打鐘,希望今晚8點半可以準時同屋企人食飯慶祝。

其他報道:謝偉俊倡容許提早取強積金置業 財庫局長:戶口平均僅18萬元,未必大幫助

其他報道:【美聯社專訪】黃之鋒:中國崛起意味人權面臨更大挑戰 盼西方關注

其他報道:【網上熱話】米線店火警關門稱埋單才能走 食客怒轟 店家網上認錯:危機處理確不足

相關字詞﹕立法會 拉布

上 / 下一篇新聞