港聞

【Emily Online】想知可取回多少交通補貼?八達通公司教路:付50元索取一個月交易記錄 (23:11)

特首林鄭月娥喺《施政報告》公布「免入息審查的公共交通費用補貼計劃」,每月公共交通費超過400元嘅市民,超出金額可獲25%資助,上限300蚊。不過由於目前八達通無月結單,市民就算「合資格」,亦未必清楚自己可以拎得返幾多錢。點算?

其他報道:【多圖:米芝蓮車胎人推介.香港老字號】麥文記女老闆棄鐵飯碗繼承家業 慶幸「自己舖」不憂租金壓力

立法會議員涂謹申同佢團隊亦有同樣疑問,於是去問八達通公司可以點樣查,然後將得到嘅答案放上facebook公諸同好。

八達通公司嘅回覆好簡單,話市民可以透過應用程式、服務站或者查閱機,去睇下過去40宗交易紀錄,包埋增值或免費轉駁巴士紀錄;跟住就係重點喇:假如市民用嘅係個人八達通或者自動增值服務,可以畀50蚊去索取一個月交易記錄。

涂謹申佢地對份回覆無奈咁講:「交津都未必有50蚊啦!」如果要管理好啲車費支出,可能就要好似涂謹申佢地咁講,「買多本簿仔記低每日用咗幾多交通費」喇。

其他報道:九龍東醫院明年整合睡眠窒息症診斷服務 病人輪候時間料減至一年

其他報道:4男女油塘「蕃滿門」進食後屙嘔 兩人留醫聯合醫院

相關字詞﹕林鄭月娥 免入息審查公共交通費用補貼計劃 施政報告 編輯推介

上 / 下一篇新聞