港聞

【短片:Emily Online】換特首禮賓府例大裝修 煲呔建錦鯉池CY闢地種菜 林鄭最慳家 (15:00)

特首林鄭月娥今日喺花咗898萬、維護保養裝修咗兩個月嘅禮賓府,宴請立法會議員,受訪時大爆同屋企人住二樓,仲強調裝修前無就改間或或裝修提出任何要求,只係改裝左其中一個網球場做休憩用地,方便之後搞活動。

睇返個裝修費,如果同之前幾任特首比較,林太真係算慳家。翻查資料,回歸後首任特首董建華無入住禮賓府,至後來曾蔭權接任特首,成為首位在禮賓府居住和辦公的特區政府首長,佢2005年遷入前豪花1450萬元改善和翻新,包括斥資730萬元裝修,其中最令人印象深刻嘅錦鯉池,就整咗約30萬元,其他開支就包括提升電腦資訊系統、及更換外圍保安系統等。

至2012年禮賓府再換新主人,到梁振英接任,禮賓府又進行一次大裝修,據報道當年翻新工程連同內部改建費用,總共用咗1485萬元,包括更換日久失修打風漏水嘅屋頂瓦片,最特別係佢特別喺禮賓府開闢一幅小草地做小農場種吓菜。

其他報道:民主派9員出席林鄭午宴 提重啟政改、學童自殺等議題

其他報道:禮賓府宴請議員搞新意思 設傳媒區 記者毋須站閘外

相關字詞﹕編輯推介 禮賓府 林鄭新政府 曾蔭權 梁振英 董建華 特首

上 / 下一篇新聞