港聞

【Emily Online】東華補選參選人出奇招 海報貼滿街坊盂蘭會門口 (15:50)

因為民建聯蕭嘉怡加入政府做政務司司長政助,而引發嘅中西區區議會東華區補選,將於11月舉行,喺區內新會商會學校工作10多年嘅校長呂錦強已報名參選。佢幾日前開始喺區內周圍張貼選舉海報,有街坊就發現有呂錦強頭像嘅海報出現喺街坊盂蘭會,仲要唔係1張,係10幾張,貼滿成個門口,連被盆栽遮住嘅位置都照貼。

其他報道:藥房店長貓波子通過檢疫 今回店巡視業務 職員指瘦了但「明顯開心番」

揀呢個地方、咁樣貼法,Emily以為有人同呂錦強開玩笑。不過就有街坊提醒,2015年區議會選舉,當選嘅蕭嘉怡都係咁樣貼法,今年仲要入政府做政務司司長政助,可能呢個宣傳位其實係一個好地方。

呂錦強就同Emily解釋,啲義工話喺街坊盂蘭會識人,可以貼海報,貼前都有問佢迷唔迷信。呂錦強就覺得無所謂,連棺材舖、紙紥舖都可以照貼,「都係宣傳啫,任義工發揮啦」。不過至於點解同一地方要貼咁多張,呂錦強就解釋因為印多咗,唔好嘥,所以貼多幾張喎。

補選提名期上周開始,暫時有3人報名,分別係民主黨高級社區發展主任伍凱欣、報稱獨立嘅行政主任劉舒燕同新會商會學校校長呂錦強。

其他報道:林鄭稱對立法會「客隨主便」 下周宴請議員暫有9非建制參加

其他報道:連任先要問林兆波 林鄭自爆被老公怨工時長 半夜一句「兩點幾喇喂老婆」

其他報道:施政報告首置盤未提細節 林鄭笑稱「學精了」 盼社會先討論免被指不諮詢

相關字詞﹕區議會 補選 編輯推介 區議會補選 中西區 呂錦強 盂蘭會 街坊盂蘭會 盂蘭節

上 / 下一篇新聞