港聞

【Emily Online】林太好想煮飯仔、去旅行 但無悔做特首 (09:40)

特首林鄭月娥前日發表咗施政報告,馬不停蹄向市民解釋施政方針。林太今朝喺港台英文台節目時話,做特首每日要工作16、17個鐘,但佢從來無後悔去選特首,但透露丈夫林兆波對自己出任特首常有遲疑(second thoughts)。

其他報道:舌戰後赴宴 泛民林鄭先兵後禮 特首下周宴請 將派代表出席

主持人問林太,決定選特首時有無遲疑、上任後又有無後悔呢。林太一口話無,因為任特首係崇高嘅工作。佢笑住話,唯一有遲疑嘅係丈夫林兆波。林太提到,特首係一份每日返16、17個鐘嘅工,但係佢希望現屆政府有熱情,唔會遇到困難就放棄。

林太又話,自己都想煮吓飯、去吓旅行、睇吓書,但現時嘅香港有大好發展機會,所以自己會盡力為香港服務。被問到會唔會競逐連任特首,林太話自己宜家已係政治家,對任何事都唔會說不。

提起律政司長袁國強時,主持問林太,袁司長係咪會繼續留喺政府,林太就例牌話唔可以評論。

其他報道:科技大學現「破壞王」 89幅橫額被毁

其他報道:4封信交班主任 中六生翌日墮斃 兄質疑校方欠警覺 愧未察弟有異

相關字詞﹕林鄭月娥 施政報告 林鄭新政府 編輯推介

上 / 下一篇新聞