港聞

【短片:Emily Online】曾俊華逢周日晚商台開咪講音樂 (21:26)

呢邊廂特首林鄭月娥發表佢上任後首份施政報告,另一邊廂,失落特首寶座嘅曾俊華(John)晚上喺facebook公布新動向,佢將會喺嚟緊星期日開始,每個禮拜喺商台開咪。

John分享咗商台一段短片,鏡頭跟佢步入商台去錄音室度開咪,背後掛咗個節目名牌叫《薯片鬚Music》。John素來對音樂有研究,又會彈吓結他,將會喺節目中透過音樂分享事業、家庭同生活。

節目每逢星期日晚10點至11點喺雷霆881商業一台播出,嚟緊周日(15號)就係第一集,唔知到時佢會唔會分享吓對施政報告嘅睇法呢?

其他報道:【Emily Online】蘇敬恆被拒入政府? 林鄭:不評論個案 吸青年議政以多元為主

其他報道:【Emily Online】蔣麗芸昨上載賀國慶相 指「國家強就能獲國際尊重」

其他報道:何君堯:我屹立不倒 愈插愈紅 節省廣告費

相關字詞﹕編輯推介 曾俊華 商台 電台

上 / 下一篇新聞