港聞

下一篇
上一篇

鄧家彪刪慶祝雙十節相 重申:不會同台獨同港獨嘅人做朋友 (21:42)

今日係「雙十節」,即係中華民國國慶,亦是辛亥革命106周年。最近加入埋民建聯,有「雙牌頭」嘅工聯會前立法會議員鄧家彪,噚晚出席咗九龍巴士職工總會龍運巴士職工分會活動,但係該活動原來係「慶祝第106周年辛亥革命 雙十節聯歡宴會」。

相關報道:【Emily Online】鄧家彪:慶祝辛亥革命106周年!

佢噚晚喺自己facebook專頁上載咗活動嘅相,相中所見佢企喺一塊印有國父孫中山、青天白日滿地紅旗嘅布景板前同人合照。佢仲留言話係「慶祝辛亥革命106周年!」 

不過,呢張相一出,就引來網民留言,話佢「身在曹營心在漢」、慶祝台灣「國慶」。今日Emily問過鄧家彪,擔唔擔心畀人話佢政治不正確,鄧就話因為該團體係勞顧會嘅成員,而佢係勞顧會嘅勞方委員,佢只係受邀出席活動,趁機去交流一下。佢特別提醒噚日係10月9日,佢唔係去慶祝雙十節。佢強調,自己唔會同台獨同港獨嘅人做朋友。

不過,事隔十幾個鐘,呢張合照就喺鄧家彪個facebook上面消失咗。佢仲上載咗另一張相,係自己出席一個慶祝中華人民共和國成立68周年嘅國慶活動。

其他報道:中大校巴撞倒行人

其他報道:15歲女外遊時疑遭堂舅父姦 父母欲報警被親友阻止 被告聞訊後Whatsapp道歉

其他報道:土地供應專責小組主席稱棕土需重整 料可釋放350公頃作其他用途

相關字詞﹕編輯推介 鄧家彪 辛亥革命 工聯會 民建聯 雙十節

上 / 下一篇新聞