港聞

【Emily Online】美酒佳餚巡禮26日開鑼 $580任食酒店菜式酒任飲 (14:56)

旅發局舉辦嘅美酒佳餚巡禮將喺本月26號起一連4日喺中環海濱開鑼,場內除設有五大展區、共有411個攤位外,仲有「品味館」,市民買咗$580門票後可以入場,試晒香港洲際酒店4間餐廳嘅菜式同任飲香檳、紅白酒。Emily上網睇過,發現主辦單位無歧視單身人士,就算係一位都可以買飛入場。

品味館會喺29號中午、下午,同埋夜晚舉行各一場宴會,每場限140人,市民由即日起喺網上購買$580門票,就可以試晒香港洲際酒店4間餐廳、一共12道頭盤、主菜同甜品,仲可以任飲香檳、紅白酒。

另外,品味館會喺27號晚舉行一場「名廚美酒佳餚晚宴」,由美國、新加坡嚟嘅大廚主理,不過門票價格貴好多,要$1888,限130人入場。旅發局稱,晚宴門票已賣去七到八成。

其他報道:【多圖】筲箕灣野豬路上亂闖卡鐵欄 多部門協力救出

其他報道:上任百天發表5000字報告 林鄭指已拜會16中央部委機構 司局長訪內地40次 多外訪近2倍

其他報道:持開山刀逼老翁飲可樂 無業男潛逃多日落網

相關字詞﹕旅發局 美酒佳餚巡禮 香港洲際酒店 編輯推介

上 / 下一篇新聞