港聞

【Emily Online】應承支持選主席卻忘加入委會 田二少「認衰」向葉劉道歉 (12:00)

實政圓桌召集人田北辰早前愛自由,離開咗新民黨嘅跑道,同黨主席葉劉淑儀關係普通,但近日發生一件事,搞到田二少都「認衰」,要親自致電搵葉太,親口道歉講對唔住。

其他報道:持開山刀逼老翁飲可樂 無業男潛逃多日落網

事緣財委會上個禮拜五(6日)開會並選舉正副主席,而田二少選副主席。由於當日田二少有事離港,事前向議員拉票,仲喺外地透過手機信息請葉太支持,而葉太回覆承諾話梗係支持田二少,亦提議田二少喺本周三(11日)舉行嘅人事編制小組委員會支持番佢選主席,而田二少亦爽快答應。

本來二人重建關係係好事,但田二少今次蝦碌咗,上周截止報名加入委員會時,唔記得加入人事編制小組委員會,所以聽日無得投票支持舊黨友!

田二少同Emily講,今次係佢個人蝦碌,唔關助理事,所以噚日直接打電話向葉太道歉,而佢話葉太都表現大方,話唔緊要喇。田二少就希望公開向葉太表示歉意,希望對方唔好記喺心。

其他報道:【多圖】香港仔野豬一家大細落山覓食 見警員即逃

其他報道:施政報告不逐字宣讀 林鄭指是行會建議 笑言「他們擔心瞌眼瞓」

其他報道:施政報告藍為主色 林鄭預告將提改組中策組、檢討低津及兩級制利得稅

其他報道:【Emily Online】鄧家彪:慶祝辛亥革命106周年!

相關字詞﹕田二少 葉劉 道歉 田北辰 葉劉淑儀 編輯推介

上 / 下一篇新聞