港聞

【Emily Online】八達通換新裝供首代換卡 網民反應兩極 (17:30)

相信好多香港人都有用八達通,彩色的是成人、綠色係長者、粉紅色係小童八達通。八達通最近就搞搞新意思,推出咗用新標誌設計嘅租用版八達通,畀第一代租用版八達通嘅用戶更換,新款成人八達通變咗灰黑色主調,小童就變咗淺藍色。好多網民就話鍾意舊設計多啲,直言:「好醜樣」,亦有人覺得灰黑色八達通好有型格。

其他報道:【網上熱話】食環人員疑用石屎封樹根 目擊者震怒 網民:植物殺手

八達通自2015年起展開換卡計劃,畀第一代租用版八達通(即卡上號碼最後數字並無括號嘅八達通)換新卡。八達通噚日中午喺facebook公布,三款用八達通新標誌設計嘅租用版八達通,新款成人八達通變咗灰黑色主調,小童就變咗淺藍色,長者八達通維持綠色主調,但最主要係「8」字八達通標誌變咗由橙色、綠色、藍色組成。

新款八達通引起好多網民討論,部分網民覺得睇唔慳新款,覺得舊款靚啲,「新設計咁核突,唔知會唔會減少市民換卡意欲呢?」、「放心喇,二十年後再換款,啲人就會話呢張好靚,新款唔靚架喇」、「咁樣衰我用返散銀算」。新款八達通亦有捧場客,仲話已即刻換咗新嘅八達通。

八達通喺facebook提醒大家,三款新卡依家已經喺「八達通服務站」登場,只係畀第一代租用版八達通(即係號碼最後數字並無括號嘅八達通)客戶更換。

其他報道:東華區選首人報名 山頂無聲氣 乳鴿參選 卿姐獻吻

其他報道:SOGO外未能上車 男女攔截新巴 途人勸阻扭作一團

其他報道:【多圖】高鐵列車今明開放 市民指一、二等座位分別不大 

相關字詞﹕八達通 換卡計劃 網上熱話 編輯推介

上 / 下一篇新聞