港聞

下一篇
上一篇

【Emily Online】東華區補選 校長呂錦強報名 乳鴿伍凱欣拍片稱從未離開社區 (16:35)

中西區東華區區議會選舉11月26日將舉行補選,提名期周二(3日)已經開始咗。噚日民主黨社區幹事伍凱欣率先報名參選,今日就到報稱獨立嘅新會商會學校校長呂錦強。

伍凱欣之前被人批評佢冇喺東華區做地區工作,過去參選過中西區嘅堅摩和水街選區落敗後,今次補選先轉到東華。面對批評,伍凱欣之前話其實佢都係街坊,只不過同時係民主黨嘅代表,今日佢就喺民主黨facebook推出短片,講述佢嘅競選宣言。

佢話自己細個已經住喺位於東華選區內嘅普慶坊,小學、中學十多年都喺嘉諾撒聖心渡過。大學畢業後,喺中西區擔任民主黨區議員社區發展助理,3年前轉職到服務中心工作,負責協助中西區內大廈解決管理及維修問題。結婚組織家庭後,佢同丈夫選擇喺堅道居住。「由出生到就學到工作,我從來沒有離開過這社區。」

佢話,民主黨議員鄭麗琼、甘乃威同何俊麒一直服務東華區,到今天嘅佢。佢強調,自己唔會半途離棄,過去30年來都冇離開過中西區,民主黨亦從未停止東華區嘅工作,因為呢個係選舉時對選民嘅莊嚴承諾,佢都一樣唔會背棄呢個承諾。

其他報道:SOGO外未能上車 男女攔截新巴 途人勸阻扭作一團

其他報道:東華區選首人報名 山頂無聲氣 乳鴿參選 卿姐獻吻

相關字詞﹕編輯推介 東華區補選

上 / 下一篇新聞