港聞

【短片.Emily Online】警隊fb發片賀專頁兩周年 向日本「表白」節目借橋 (20:24)

近年本港大學新莊選舉前後,有啲網民同創作平台會翻炒或二次創作大學生「dem beat」片段。今年香港警察亦有份,喺facebook發布影片話:「尋日有人用Dem Cheers嘅形式道出『打工仔何所欲』。其實小編都有啲嘢想同大家講……」

所為何事?

原來係想慶祝警隊facebook成立兩年以嚟,成功爭取超過12.4萬人支持。只不過影片內容其實同dem beat無關係,反而似係模仿多年前日本學生喺節目表白嘅片段。

條片一開始就見到「警隊facebook升級報導員阿安」大嗌警隊facebook已有12.4萬人likes;今日嚟到兩周年,「好想講一聲生日快樂呀」。阿安話兩年嚟有好多名人喺個平台出現過;做咁多嘢,都係想向大家分享準確消息,等大家多認識警隊以及傳播防止罪案信息。

而每次佢講到激動個位,鏡頭一轉,總見有班大sir同嘉賓拍爛手掌。呢幕相信係用舊片段剪接出嚟。

其他報道:傳真社質疑違地契出租車位 領展:失實報道

其他報道:【城巴奪命車禍】工會提出增底薪4000 下調最高工時兩小時

其他報道:【施政報告前瞻】或港鐵股息補貼交通費 蔣麗芸:民建聯過去一直爭取,喜聞採納

相關字詞﹕香港警察 編輯推介

上 / 下一篇新聞