港聞

下一篇
上一篇

【短片:Emily Online】飛虎隊第一身展示內部訓練過程 新型裝甲車曝光 (22:44)

美國拉斯維加斯恐怖槍擊案,令人關注各地恐怖份子或暴徒恐襲行為,當地執法單位有否足夠能力應付。警方今晚喺facebook上載一段內部精銳部隊飛虎隊(SDU)嘅訓練片段,長約2分鐘,介紹咗飛處隊海陸空訓練情况。其中更展示咗新型裝甲車,以及飛處隊員如何從高空,由直升機游繩到貨船調查嘅過程。Emily聽講,由於SDU人員身分都要保密免曝光,今次部分片段就由SDU隊員配備GoPro鏡頭拍攝,極具現場感。

片段開頭,警方邀請經常喺電影中飾演飛虎隊教官嘅藝人王敏德講開場白,介紹飛虎隊訓練,再展示相關片段。當中有飛虎隊員變身「迷彩人」埋伏草叢、乘新型裝甲車出勤、爆破入屋搜查指定單位等;此外又展示機場演習行動。而海上行動方面,除咗快艇追截,片中亦示範SDU人員從直升機游繩落大型貨輪嘅情景。

其實除咗飛虎隊,警方反恐特勤隊、機場特警、密閉空間搜查隊、爆炸品處理課以及網絡安全及科技罪案調查科等,都係主要參與反恐工作嘅部門。

睇片

其他報道:青山道東亞分行誤棄支票箱 籲上周六曾使用者聯絡

其他報道:通訊局令無綫明年7月3日起 每日播手語傳譯粵語新聞

其他報道:加拿大搭機返港 44歲貿發局女經理猝死

相關字詞﹕飛虎隊 警察 裝甲車

上 / 下一篇新聞