港聞

【短片:Emily Online】民建聯工聯會議員齊登台熱唱《中國人》 (17:21)

適逢十一國慶,民建聯昨日喺fb上載片段,話係民建聯同工聯會立法會議員一齊登台合唱《中國人》。咁多位造型顯然經過細心安排,網民有讚有彈。

其他報道:全球3個月走10億步挺器官移植者 香港啟動禮籲共襄盛舉

民建聯主席李慧琼在七月舉行的民建聯25周年會慶中,率領另外15位立法會議員大唱《中國人》。李慧琼在唱歌前表示:「香港從來都係國家一部分」,高呼「我哋都係中國人」、「我哋都係龍的傳人。」其他人即以「yeah」齊聲附和。

片段中李慧琼身穿粉紅色西裝企喺中間,隔離企咗著藍色西裝嘅葛珮帆同埋著深紅色西裝嘅蔣麗芸,仲有著起白色西裝嘅工聯會議員麥美娟。值得留意嘅係,蔣麗芸議員著起件西裝、西褲,都幾稱身,相反有啲議員著件西裝背心就有啲緊身迫爆。

周浩鼎表演就最投入,唱得好肉緊、激昂;企喺台上最右嘅陳克勤就有啲呆滯,有少少處於「狀況外」,有幾下好似都唔太對到嘴。

段表演好唔好睇就見仁見智,最多網民關心嘅係片中議員打扮,有人問佢哋咁愛國點解著西裝;但亦有人希望民建聯可以提升時代感,令個形象好啲。

短片

其他報道:廣深高速前日已見塞車 南下3班車減至1班 乘客稱有車返港已好幸運

其他報道:【多圖】嗇色園首辦成人上契黃大仙儀式 港澳亞洲近500名善信參與

其他報道:中秋大致多雲有雨 或影響賞月

相關字詞﹕民建聯 工聯會 中國人 編輯推介

上 / 下一篇新聞