港聞

廣深高速昨塞車致直通巴取消 今班次如常開出 直通巴司機:若遇塞車無得食無得瞓 (11:30)

內地一連8日的「十一黃金周」昨開始,廣深高速公路即出現嚴重大塞車情況,本港大部分往返廣州各地的直通巴士昨要暫停服務,現時情況有所改善,本報今早到其中一間直通巴士站頭了解,班次如常開出。

與友人前往順德的黃先生表示,昨晚上網了解後,相信車龍大致上都「散晒…唔擔心」,今日購買直通巴車票出發。葉先生一家四口前往貴州,指由於路線不同,加上了解過塞車情況有所改善,「應該無乜問題」,也如常出發。

另一間直通巴公司司機阮先生表示,每年國慶內地都會塞車,去年塞了7至8小時,坦言「塞到驚咗」,今年國慶前已向公司申請,只會駕駛開往關口班次,「收入爭咗2000至3000元,但真係塞到驚咗,我情願揾少啲,又無得食又無得瞓,乘客就全程瞓,我就仲要揸車」。

被問到有否難忘事情,阮指「塞咁多嗰鐘,成車幾十人,有人無端端話要落車痾,雖然塞車,但唔喺停死,放佢又危險,唔放佢去又好唔人道。成車幾十人輪流咁去,我就咁喺門邊痾咋,都無法子。女性咪踎低車邊痾囉,成條高速公路,咁多車都喺咁」。

其他報道:快運先通知乘客再通知政府 民航處:不會說不可接受

其他報道:為文憑試捨舞台 兩度尋死 走出抑鬱讀幼教 女生﹕盼沒另一個我

相關字詞﹕編輯推介 突發 直通巴 廣深高速 大塞車

上 / 下一篇新聞