港聞

下一篇
上一篇

【emily online】促政府關注雀鳥魚塘捕食? 何俊賢:唔係叫政府殺咗啲雀仔 (21:46)

有網民近日上載咗立法會漁農界議員何俊賢嘅橫額,促請政府檢討政策,「關注雀鳥於魚塘捕食問題」。早前有國慶晚會請柬印錯咗何俊賢個名做「何傻賢」,網民就趁機話何俊賢「傻」,建議何向政府提出「唔好發簽證畀雀仔飛入香港」,或者豎個標語警告啲雀仔。

民建聯何俊賢之後就喺自己fb出post,話啲網民活喺自己世界,佢出嘅橫額「係畀識睇嘅人睇」,話笑佢嘅網民唔識睇。佢同Emily解釋,魚塘裡面嘅漁穫唔一定係公產,唔少養魚戶向佢反映,飽受雀鳥喺佢哋魚塘捕食問題困擾,但現時《野生動物保護條例》防雀措施成效不彰,令漁民損失慘重,所以先掛橫額要求政府改善政策。

佢澄清唔係叫政府殺咗啲雀仔,而係要求整啲「合法防雀網」,可以保護魚塘漁穫之餘,又唔會令雀鳥受傷。佢強調,橫額嘅受眾係業界和政府,網民好明顯唔知發生咩事,「喺井入面睇世界唔多好」。

其他報道:【多圖】膠樽泵頭藏彈弓難回收 製成可愛小鳥盼走進潮流 推動乾淨回收

其他報道:旅遊界料超級黃金周每天300內地團訪港 稱受惠於中港氣氛平和

其他報道:市區去迪欣湖被索1700元 遊客遇黑的報稱遇劫

相關字詞﹕何俊賢 編輯推介

上 / 下一篇新聞