港聞

【Emily Online】李偲嫣返工年中無休on call 24小時 形容自己「工作奴隸」 (16:13)

最近少咗係集會遊行出現嘅正義聯盟前主席李偲嫣,聲稱前年喺兩間網媒公司做總監,半年後被辭退。之前佢入稟勞資審裁處,想追討返欠薪同代通知金等等,總共15.8萬元,雙方今日再上庭做結案陳辭。

其他報道:【佔領三周年】黃之鋒《衛報》文章:願傘運榮譽歸每位為爭取自治付出的港人

李偲嫣喺庭上話,自己返工係「24小時on call」,年中無休,形容自己係「工作奴隸」,講到眼濕濕,又話而家追討呢筆錢對佢好重要,只係想拎返應得嘅嘢。

佢之後又講起,自己會喺媒體報道出現,身份比較特別,不過返工之後好困身,唔得閒出來搞「課外活動」,即係抗議示威,有啲公公婆婆退休之後好悶,成日留係屋企,就好關心佢仲會唔會走出來帶領佢地抗議示威。

不過被告公司一方話,公司同李偲嫣其實無僱傭關係。審裁官將案件押後到11月21日宣判。

其他報道:尾隨18歲女生入屋非禮 六旬地盤工認罪 求情指因愚蠢犯案

其他報道:中大研究:QR Code及三星MST流動付款系統存保安漏洞

其他報道:打擊天水圍單車違泊 政府充公逾20架GoBee.Bike

相關字詞﹕李偲嫣 正義聯盟 編輯推介

上 / 下一篇新聞