港聞

【Emily Online】國慶晚會請柬寫錯名 「何傻賢」係邊個? (13:47)

今日網上就流傳一張相,係香港南區各界慶祝國慶68周年聯歡晚會嘅請柬,入面出現咗一名立法會議員叫「何傻賢」,Emily諗咗一陣,就估會唔會話立法會漁農界議員何俊賢呢?

上載照片嘅網民就話,發帖者抵讚,印錯都唔浪費照派出街。到底「俊」字點解會寫成「傻」字呢?有網民就開玩笑話「平時叫慣,順手寫咗唔知」,Emily就估計係手誤,打字時打錯咗。

Emily之後即刻打畀何俊賢,問佢知唔知咩事,何俊賢話知道,仲好大方話唔介意,又指對方兩、三星期前已打過電話畀佢兼道歉,但何俊賢就唔知道將佢個名寫錯成咩字,Emily同佢講返之後,何俊賢就感慨話,人生中總會有錯誤,唔會責怪對方。

其他報道:菲傭唔識冰皮月餅拿去蒸 僱主啼笑皆非 網民:變蒸皮月餅

其他報道:廢紙回收商今起罷市不多於一周 公會:陸續有回收商「爆棚」

其他報道:羅冠聰獄中收信感謝市民 「文字有股魔力,能使人堅定」

其他報道:李慧琼:被DQ者未必不符補選資格 支持一國兩制為關鍵

相關字詞﹕國慶晚會 何傻賢 何俊賢 編輯推介

上 / 下一篇新聞