港聞

下一篇
上一篇

【Emily Online】陳克勤解錯英文 謝偉俊被簽名反校園播獨 (22:59)

噚晚39位建制派議員寫咗封聯署信畀教育局長楊潤雄,表達對於大學校園出現「香港獨立」標語嘅關注,仲話期望各院校「果斷地取締所有違法港獨宣傳品」,要求教育局跟進。不過,Emily聽聞喺聯署名單入面嘅謝偉俊本身並唔想簽,而係已經負責搵人聯署嘅民建聯陳克勤解錯英文,誤會咗謝偉俊回覆。

相關報道:39建制函楊潤雄 促跟進校園港獨 黃碧雲:不應施壓教局學界

謝偉俊同Emily講,雖然佢都反對港獨,但係佢覺得呢個時候最好等輿論自己評論,唔需要畀壓力政府,更唔應該干預大學嘅管理,所以覺得個聯署「唔出好過出」,於是覆信息畀陳克勤話「I'll pass」表達佢唔參加,但係可能溝通上有誤會,「相信佢以為pass意思等於通過咁解,英文上嘅誤會,佢當咗我同意,所以加埋我名落去。」

謝偉俊仲教下英文,話「I'll pass」通常就係比較無奈地唔想參與嘅意思,不過佢都好厚道,話唔會批評人:「咁算啦,無咩大問題嘅,不過呢個時候一人少一句會好啲啦。」Emily嘗試「try my best」打畀陳克勤,但係就無人聽電話。

其他報道:周竪峰:學界自由遭逢重大危機 邀黃乃正公開對談 

其他報道:遵理梁俊佳抄襲同校老師筆記:助教執筆 自己事前不知情

相關字詞﹕謝偉俊 港獨 陳克勤 編輯推介

上 / 下一篇新聞