港聞

【多圖:Emily Online】僱員再培訓局辦美髮服務日 學員為低收入街坊剪髮 (19:10)

僱員再培訓局舉辦美髮服務日,由12個「髮型助理基礎證書」課程嘅畢業學員幫近百個綜緩或低收入家庭嘅街坊剪頭髮。曾經上過16個鐘剪髮課程嘅僱員再培訓局主席梁永祥又再次落場大展身手,幫一位男街坊美髮,臨尾仲好細心用個掃為街坊輕輕掃走身上嘅頭髮。

其他報道:鄭松泰涉辱國旗 蔣麗芸作供被辯方考起 駁斥「想套我入圈吖嘛」 庭上爆笑

呢個58歲男街坊林新興,以往讀過再培訓局保安課程,其後做咗10年保安,但因為3、4年前中風,影響左邊身活動能力,無法繼續做保安。經過一輪休養,前排佢決定參加整麵包課程,希望轉型做個麵包師傅。

另外,再培訓局今年7月至9月推出全民愛增值活動,畀合資格嘅市民免費報讀一項再培訓局半日制或晚間制課程。截至本月6日,已經有約5000人報名參與,當中約1400人係首次參與再培訓局課程。梁永祥話,今次報讀新技能提升計劃課程嘅人次佔咗62%,以物業管理及保安、健康護理及環境服務行業嘅課程較受歡迎,今次吸引多咗男士參加。有興趣嘅市民可以喺9月30日前報名。

今日同場仲有新上任嘅僱員再培訓局行政總監吳國強。曾任勞工處副處長嘅吳國強同Emily講,唔少行業都缺乏人手,希望未來可以釋放勞動力市場,例如少數族裔、較年長人士等,幫助佢哋增值後再就業。

其他報道:屯門山景邨單位傳異味 警發現男女雙屍

其他報道:【DR美容誤殺案】周向榮稱疑次被告 突寫報告卸責管理層

其他報道:【DR美容誤殺案】周向榮自辯:在APSC無正式角色 不干預醫生專業判斷

其他報道:物管主任指狗吠難忍情緒不穩 菜刀斬狗頸 判監5月

相關字詞﹕僱員再培訓局 髮型

上 / 下一篇新聞