港聞

【Emily Online】哈囉喂全日祭 多圖有片率先睇 (20:47)

海洋公園「哈囉喂全日祭」下個月就舉行,推出11個景點共12種體驗,話係要炮製歷來最大規模驚嚇體驗。園方今日舉辦傳媒預覽,包括參觀「三不管地帶」九龍城寨為場景嘅「城寨驚魂」、「黃綠醫生」醫死人、籠屋暗格藏冤魂等等,可謂黃賭毒應有盡有。Emily見唔少傳媒行家都玩得相當投入,差啲畀鬼嚇到三魂唔見七魄。

其他報道:中大民主牆貼滿「港獨」單張 疑似內地生撕毀期間被阻

「城寨驚魂」鬼屋由80後設計師歐陽佩琪同劉亮言「操刀」,雖然佢哋冇入過真實嘅九龍城寨,但花咗至少兩個月惡補相關資料,參考城寨嘅攝影作品、電影同埋電視劇等,設計出牙醫診所、風月場所、籠屋等場景。其中牙醫診所專出黃綠醫生,病人會被折磨到「流血不止」,驚血人士要慎入!

年屆74歲嘅資深場景製作人魯德義負責搭建城寨,魯師傅同Emily講,佢20年前參與過舞台劇《城寨風情》舞台製作,腦海中對城寨有較深印象,製作過程都得心應手。

另一重頭戲「慌宅17」就有4間密室畀玩家挑戰,打頭陣嘅膿瘡慌宅主人會邀請玩家食餅乾,隨餅附送身上刮出嘅「濃瘡醬料」,相當嘔心。至於「膿瘡醬料」係咩來頭,Emily就要先賣個關子,留待大家去試味。

「哈囉喂」喺10月5日至31日期間16個指定日子舉行,其中21、22、28及29日係指定繁忙日子。一般門票成人438元、小童219元,而繁忙日子門票成人538元、小童269元。

其他報道:英國留學簽證遭延發 累積求助港生個案逾千

其他報道:《壹週》被指將收買方「不續聘名單」 現管理層未承諾遣散拒過渡員工 

相關字詞﹕海洋公園 哈囉喂 編輯推介

上 / 下一篇新聞