港聞

【Emily Online】馮煒光加入保誠賣保險 (21:21)

前新聞統籌專員馮煒光離開政府短短兩個月,已有好多新搞作,今日,前任行政長官及政治委任官員離職後工作諮詢委員會(下稱「委員會」),就公布對包括馮煒光在內嘅前官員離職後申請嘅意見,其中一項工作,包括佢會自僱成為財務顧問,因應潛在客戶需要推介保險單。Emily上保險業聯會個網搜尋,發現馮煒光已成為持牌嘅保險代理,任職保誠保險。

Emily問過馮煒光,佢確認已考牌做保險,但就未有透露究竟係幾時開始上堂準備考牌。至於點解做保險,佢話自己一向對金融很有興趣,以往亦有開財經公關公司,未來主要做人壽保險。擔唔擔心轉行做保險會無晒朋友?馮煒光就話:「現代社會不可能沒有保險,而且我不aggressive」。Emily問佢會唔會向前特首梁振英都sell下人壽保險,佢話自己都無諗過,形容呢個係好提議。

除咗賣保險,馮煒光今日起會正式籌劃,出版一本有關97年前英國在港管治書籍,出版社待定,佢透露書已經寫好,正搵緊出版社。馮煒光10月1日起亦會成為自由身評論員,受僱網媒《HKG報》,尤其評論內地近期發展和成就。委員會其中提及,馮煒光在相關評論和出版中,不得「包含任何與他出任新聞統籌專員相關而可能會令政府尷尬的內容」。馮煒光早前已獲批,7月1日成立公關公司自任董事總經理,及出任報紙專欄作家。

其他報道:【國歌法】稱港人普通話參差「唱歪音」易觸條例 田北辰:須視乎意圖

其他報道:【興德風波】明天開課 楊潤雄勉家長放心將子女交學校

相關字詞﹕馮煒光 保險 編輯推介

上 / 下一篇新聞