港聞

下一篇
上一篇

【網上熱話】書店老闆戰勝魔鬼 的士站拾176萬歸還物主 網民:人性大考驗 (09:46)

書店老闆Dennis Wan昨晚在FB帖文分享自己路不拾遺的經歷,他坦言自己見到該筆近180萬巨款, 「心中突然充斥邪念,想據為己有,補償書店蝕咗嘅錢,但我戰勝魔鬼」,最終在的士站等候物主,原來對方剛從銀行提款想出糧給員工,對方非常感激Dennis,給Dennis 5000元回報。此帖一夜之間已獲近900人分享,逾2萬人讚好,網民紛讚事主好心有好報,但亦有人覺得事主有錢不要,「抵佢一世捱窮」,令事主氣結。

《明報》記者正聯絡事主以了解詳情。

其他報道:29歲居港內地男失$1100萬 分存11個中港戶口

Dennis Wan昨晚在FB帖文分享,「剛剛排隊坐的士,前面嗰阿叔一袋二袋上車,佢跌咗個公文袋係地下,叫都叫唔停,的士就駛走咗,袋入面有18舊1000蚊,大約180萬左右,當時的士站係無人,附近又無閉路監控,心中突然充斥邪念,想據為己有,補償書店蝕咗嘅錢,但我戰勝魔鬼,可能人家呢筆錢係用嚟救命,比自己三十分鐘時間喺度等,如果佢唔出現就拎去差館,我食咗兩支煙時間,就有個阿叔出現喺的士站搵嘢,我走去問佢搵咩,佢話搵個袋,我又問個袋裝啲咩,佢話貴重嘢,之後我拎個袋出嚟,問佢係咪呢個,佢就四萬咁口話係,我再認真問佢入面裝左咩嘢,佢話係銀行攞左176萬現金用嚟出糧,我見條數正確就交返比佢,佢開心到係都要比5000給我飲茶,推搪幾次我收咗,聽日拎去萬豪食自助餐,yah!」

不少網民看到帖文留言讚賞事主好心有好報、好人好事,又認為事主「好叻,咁大數目都可以戰勝到心魔交返出嚟」,又有網民坦言「好老實,我做唔到你咁,180萬係可以改變命運!」主流網民都讚賞事主行為,但亦有網民持不同意見,更認為事主有錢唔要,「抵佢一世捱窮」,令事主氣結,其他網民見狀出頭,著事主不用上心,「人在做,天在看,自己做對的好心事,唔洗理會人地發噏瘋的!」

其他報道:【國歌法】葉國謙:反「一國兩制」才會反立法毋須理會 指不信有議員敢不護基本法

其他報道:《國歌法》擬10月提請納基本法附件三 陳弘毅料本地立法字眼跟全國 罰則變通

其他報道:功課問工廠北移 小二生失眠拒上學 衛署籲棄「教得愈深愈好」觀念 理解子女開學壓力

相關字詞﹕編輯推介 路不拾遺 的士站 出糧 網上熱話

上 / 下一篇新聞