港聞

下一篇
上一篇

【短片:Emily Online】「薯片叔叔」新片:五年之後,香港一定會更好 (21:40)

「薯片叔叔」曾俊華(John)喺特首選戰落敗後,不時出席公益活動,噚日仲去咗視障人士舉辦嘅音樂會唱歌添,不過佢一直都無講實自己之後到底有咩新去向。今日阿John喺facebook專頁上載咗一段片,回應近日見到好多負面新聞,大家好唔開心。佢話未來日子會同唔同團體合作,利用佢知識同經驗,同港人拍住上,仲提到「五年之後,香港一定會更好」。咦,五年?唔知John呢句說話有無啲咩特別意思呢。

John喺片段開頭講咗佢近況,話自己呢排出席咗好多活動,近日就忙住搬屋,成屋都係紙箱,佢話佢份人好念舊,有幾箱喺派駐英國完畢搬返嚟香港都未開過,仲話仔仔笑佢儲落嘅嘢夠開博物館。

John話最關心依然係香港同香港人,近期有好多負面新聞,好多人打開facebook會覺得好唔開心,但佢話亦有好多有心人希望喺唔同領域貢獻社會,唔應該被人忽略,仲話要令香港好,需要好多人付出。

John仲預告聽日會有新影片,叫大家留意咁話,唔知佢會唔會有具體新動向分享呢?

其他報道:【Emily Online】中聯辦「明哥」訪深水埗「明哥」 親筆字畫「為善最樂」賀壽

其他報道:【網上熱話】帶歲半B被要求計最低消費 媽媽呻「搶錢」 店方:唔幫襯不如去公園坐

相關字詞﹕編輯推介 曾俊華

上 / 下一篇新聞