港聞

【Emily Online】中聯辦「明哥」訪深水埗「明哥」 親筆字畫「為善最樂」賀壽 (18:54)

深水埗「明哥」陳灼明經常義贈飯盒支持基層,中聯辦今日喺網頁報道,主任張曉明日前去咗明哥位於大南街嘅副店「北河同行」,點知原來到訪當日係明哥生日,佢就臨時預備咗份生日禮物,送咗一幅佢手寫嘅字畫「為善最樂」畀明哥。

報道話張曉明去到店中先同明哥打招呼,又畀錢買咗幾杯奶茶,同明哥同埋另一個青年義工傾計。張曉明話得知明哥成日派飯畀窮人同露宿者,好感動,所以慕名而來。佢又讚明哥樂善好施、扶貧濟困,「展現中華民族傳統美德」,希望佢堅持善行義舉,多同政府合作,發揮義工同埋其他慈善團體力量。

報道話,張曉明仲以個人名義向「北河慈善基金」捐款添。

早前颱風「天鴿」襲港當日,深水埗明哥依然風雨不改咁堅持用手推車送出約200個飯盒畀長者同露宿者。

其他報道:【覆核改判囚】黃之鋒母反問林鄭:妳可理解對兒擇善固執的欣慰?

其他報道:「國歌法」人大擬加懲處 侮辱者或被刑拘 倡10月提請納港澳基本法附件三

相關字詞﹕編輯推介 深水埗明哥 張曉明 陳灼明

上 / 下一篇新聞