港聞

【網上熱話】帶歲半B被要求計最低消費 媽媽呻「搶錢」 店方:唔幫襯不如去公園坐 (17:45)

最低消費有沒有年齡限制?近日有母親在網上聲稱帶着歲半嬰兒到荃灣一間麵店落單時,店員要求每人包括嬰兒均需消費,她不滿收費拂袖而去。店內工作的人回應指,「入得嚟梗係要幫襯我,唔幫襯不如去公園坐」。

該名母親在facebook指,兩個大人帶着10歲的小朋友及歲半嬰兒,到麵店落單時點了3碗麵,店員堅持要求每人均需消費,母親則回應「吓,BB都要叫一碗?都要計埋?有冇搞錯?」但店員沒有退讓,最後4人沒有進食便離去,該母親在網上表示,「咁搶錢法我地惟(唯)有走,呢間嘢我唔知好唔好食,但好搶錢」。

本報致電涉事店舖,接聽的中年男子未有表示身分,惟他回應事件時稱,「攞我個位咪要幫襯我,我打開門做生意,入得嚟梗係要幫襯我,唔幫襯不如去公園坐」。他指出,手抱嬰兒不用消費,但當嬰兒已佔了一個位,理應消費,當記者再追問時,他只回應「好小事,小問題,毋須咁關注,唔講咁多啦,無謂愈描愈黑」。

另有客人在網上指自己曾自帶飲品入該店,未曾飲用卻被店舖收費。中年男子回應,「唔飲梗係唔收錢啦,我哋只係強力建議唔好喺店內飲用自帶飲品,唔飲當然唔收錢,我哋無權干涉你放喺度。有無香港人咁順攤(肯畀錢),有無咁笨呀!」

有不少網民關注事件,但反應兩極,有人直呼黑店,並表示店舖不願做小朋友生意,才會如此,亦有網民認為香港租金高,「人哋有權咁做,坐位有限」。

其他報道:【覆核改刑期】胡紅玉倡律政司長交出刑事檢控權 指雙學三子案須政治解決

其他報道:【興德學校風波】陳章萍涉違規招聘教師 消息:或轉交執法部門處理

其他報道:【多圖:梁游上訴被拒】游蕙禎:獲聘處理不露面工作 梁頌恆擬往體制外走:不自救無人救

相關字詞﹕網上熱話 最低消費 編輯推介

上 / 下一篇新聞