港聞

【Emily Online】新民黨欲戰港島補選 葉劉:望民建聯「畀啲機會人哋發展」 (11:29)

立法會宣誓案風波,暫時有6名非建制派議員被取消資格,外界都關注補選形勢。新民黨立法會議員葉劉淑儀今朝喺港台話,新民黨好有興趣出選港島區補選,仲希望民聯建唔好一黨獨大,畀機會其他建制黨發展。

其他報道:崔世安提請中央獲准 駐澳解放軍助救災

青年新政梁頌恆、游蕙禎去年被撤銷議員資格,連同上月被法庭判決喪失立法會議員資格的劉小麗、梁國雄、羅冠聰及姚松炎4人,至今有6名非建制派議員被取消資格。

談到港島區補選,一開始葉太已明言「我哋(新民黨)好想(選)」。有消息話民建聯都有興趣,葉太就強調希望本港建制派嘅光譜可以闊啲,「希望均衡一啲,唔好一黨獨大,一個黨乜嘢位都擸晒,立法會又擸晒,政府官員又最多,區議員又最多,內地政協、乜嘢都最多。大黨應該有胸襟,畀啲機會人哋發展,係咪?」

葉太話,乜嘢都擸晒嘅態度唔係咁好,即將同對方傾吓。葉太仲提到,目前其他建制派喺新界東、九龍西選區都已有初步人選,「港島畀新民黨都好合理吧」。

之前有報道話,葉太正在搵緊接班人,葉太今朝強調下屆立法會參選與否,仍考慮緊,最重要係搵到適合人選接班。佢又話,美國參議員沒有退休制度,好多參議員已屆高齡仲會留喺議會。

其他報道:休班警小巴偷拍女乘客被捕

其他報道:澳門6600戶仍停電 全面供水尚要等一兩日 政府下半旗致哀

其他報道:林鄭搭高鐵 落tag話#旅程舒適 張建宗訪南沙遇壞船改坐直通車訪粵

相關字詞﹕葉劉淑儀 新民黨 立法會 補選 編輯推介

上 / 下一篇新聞