港聞

【Emily Online】暗示栗戰書文章遭抽起 專欄作家結束南早11年生涯 (00:19)

《南華早報》專欄作者任美貞(Shirley Yam)噚日(周四)喺該報財經版發表最後一篇專欄,結束喺南早11年嘅生涯,同埋向讀者道別。上月19日南早登咗任美貞嘅評論文章,暗示國家主席習近平左右手、中共中央辦公廳主任栗戰書可能同早前大幅增持半島酒店母公司股份嘅新加坡投資者蔡華波有關。第二日南早出聲明話該文章有數處未能證實嘅影射內容、未達發布標準,決定抽起文章同向讀者致歉。

身為南早兼職僱員嘅任美貞,噚日喺facebook留言,話佢唔再係南早員工,又感謝同事、讀者支持。南早發言人同Emily講,Shirley早排放假,最近同公司講決定辭工,追求其他興趣咁話。 發言人話祝佢今後一切順利。

相關字詞﹕南華早報 任美貞 編輯推介

上 / 下一篇新聞