港聞

探訪九龍真光為新生打氣 楊潤雄:會盡快審批優質教育基金 (21:59)

仲有一個星期就開學,莘莘學子準備好未呢?學生嘅精神健康每每受到關注,教育局長楊潤雄今日就去探訪九龍真光中學,為中一新生打下氣。

楊潤雄受訪時話,每逢一開學,師長都要特別關注適應新環境嘅同學仔,例如升中一、升中四、升大學等等,所以佢就去咗成功申請優質教育基金嘅九真探中一生,了解吓該校提升學生處理逆境能力、及早識別同支援抗逆力較低初中學生嘅計劃。

佢又話,優質教育基金督導委員會調整了「好心情@學校」計劃嘅申請安排,又提高微型計劃撥款上限至20萬蚊,學校反應好踴躍,幾個月就收到400幾份申請,基金會盡快審批。

另外,因應防止學生自殺,「醫教社同心協作計劃」喺新學年會擴展服務去到另外8間學校,派駐精神科醫生、教育心理學家、駐校社工、精神科護士、臨床心理學家同職業治療師支援有精神健康需要嘅學生。教育局亦會喺下個月推出「精神健康的專業發展課程」,教老師點識別同支援有精神健康需要學生。

其他報道:4個月大B女求肝保命 父母急尋A或O型血捐贈者

其他報道:【短片】回應袁國強雙學3子案解說 楊岳橋:為何不覆核支持政府的暴力犯人

其他報道:前懲教主任涉強姦陌生醉娃罪名不成立 聞判掩面痛哭

相關字詞﹕教育局 楊潤雄 新生 優質教育基金 精神健康

上 / 下一篇新聞