港聞

【Emily Online】小學生揚威國際數學賽 賽題考下你 (13:08)

早前香港嘅小學生揚威海外,參加今年度喺印度舉行嘅「國際數學競賽InIMC 2017」,首度摘下4金,仲攞埋全場總冠軍,係香港代表隊喺國際數學競賽中首次獲得嘅最高殊榮。

其他報道:獲發牌再賣跑友恩物 大帽山連姐估計發哥都會好開心

今次獲獎隊伍由4名來自聖公會小學的學生組成,其中3個同學仔今朝出席商台節目,主持人即場出題考考佢哋,題目係今年台灣選拔賽嘅類似問題:「小美在8次測驗中,平均每次測驗答對27題,已經知道每次測驗中都答對整數題,並且在答對題數最少的一次測驗中是18題,問答對題數最多的一次測驗至少答對幾多題?」當Emily連題目都未聽清楚,同學仔已經有答案!

代表隊中的朱卓熹同學為大家一步步拆解呢條算術題:8次測驗答對嘅總題數係27×8=216題,再減最少答題次數係18題,即216-18=198題,再將198除以7,即等於二十八又七分二,因為其餘7次測驗都是答對整數題,所以將剩下答對嘅2題,平均分配給其中2次測驗,即將28+1=29,所以答對題數最多嘅一次測驗至少答對29題。

同學仔又提到比賽時嘅題目,問有幾多個4位數嘅組合滿足以下條件:千位、百位同十位數字嘅和係20,而百位、十位同個位數字嘅和係17。

同學仔解題話,百位、十位嘅和係一樣嘅,而千位和個位嘅數字之差係3,同學仔就話答案係有35個組合。

聽完同學仔解釋,Emily係似懂非懂,結果用咗好笨嘅方法去實測同學仔嘅答案,結果當然係啱嘅!同學仔都異口同聲話自己真係鍾意數學,解答數學問題好有滿足感先咁投入,有人仲話幼稚園就已開始參加數學比賽,果然係數學迷。

其他報道:港小學生勇奪印度數學國際賽總冠軍 成港隊歷來最高殊榮

其他報道:港青澳洲學駕小型飛機墜機命危 傑志為球迷「緊急集氣」 盼Nicholas渡過難關

其他報道:赴美與各地抗爭者交流 楊政賢為「今天我」平反

相關字詞﹕小學生 印度 國際數學競賽 編輯推介

上 / 下一篇新聞