港聞

下一篇
上一篇

【Emily Online】獲發牌再賣跑友恩物 大帽山連姐估計發哥都會好開心 (10:45)

大帽山小食亭連姐因被投訴無食物牌照而要一度停售熱食,佢日前終於攞到食環署發出嘅「食物製造廠牌照」,可以翻熱預製食物出售,連姐當然感到好開心,今早佢喺電台話要多謝一眾跑友、行山友支持,又感謝陳淑莊議員嘅幫忙。

其他報道:赴美與各地抗爭者交流 楊政賢為「今天我」平反

茶水亭依家有咗牌照,就可以繼續賣魚蛋、燒賣喇,連姐話會用蒸餾水同電飯煲翻熱魚蛋、燒賣,仲話會比用微波爐翻叮更好味、軟身,可惜有啲美中不足嘅係,茶水亭就唔可以再賣茶葉蛋喇,但連姐都話已經好滿足,因為魚蛋同埋燒賣已經係山友、跑友、車友嘅恩物。

連姐又講,成日去行山嘅藝人周潤發發哥一直都好有心,時常向佢關心事態發展,連姐估發哥都為獲發牌感到滿足。連姐又講到,原來佢個名個「連」字係無「草花頭」,並唔係「蓮」字呀。

其他報道:【好消息】大帽山小食亭遭投訴 一度禁賣熱食 蓮姐終取牌:我好開心

其他報道:【多相】澳洲學駕小型飛機墜機 港青命危

相關字詞﹕大帽山連姐 大帽山蓮姐 周潤發 發哥 食物製造廠牌照 編輯推介

上 / 下一篇新聞