港聞

下一篇
上一篇

【Emily Online】林鄭訪新加坡與女官員晚宴 指當年只得兩女司長若搞聚餐只可撐枱腳 (15:27)

特首林鄭月娥上任後首次出訪新加坡,佢今日就喺fb貼好多相,仲話此行目的除咗加强香港、新加坡兩地聯繫,仲要見見老朋友喎。

其他報道:一成小學生日均上網逾3小時 BB開始用屏幕產品中位數為1歲

林鄭月娥噚日去到新加坡,佢就話去咗阿Grace安排嘅晚宴,阿Grace原來係林鄭月娥相識多年嘅新加坡文化、社區及青年部部長傅海燕,林太又話,喺晚宴上同好多當地女性官員見面。

林鄭月娥即時想當年,提到曾幾何時Grace同佢分別係香港同新加坡兩地政府裏面唯一嘅女性部長、司局長,林太講笑咁話,當時如果舉辦同類女性官員聚餐,恐怕只得兩個人撐枱腳喎!

另外,林太尋日都有拜會中國駐新加坡大使陳曉東,同埋主持特區成立20周年活動嘅攝影展開幕典禮,又順道參觀咗亞洲文明博物館和新加坡國家美術館。

其他報道:任志剛:過往十年港府守財奴 樂見新政府投資未來

其他報道:七旬翁荃灣行山疑遭蜥蜴咬腳趾

相關字詞﹕林鄭月娥 新加坡 撑枱腳 編輯推介 女高官 emily online

上 / 下一篇新聞